Xalıq deputatları Bozataw rayonlıq Keńesiniń 3-sanlı «Mádeniyat» saylaw okruginen (ÓzXDP) saylanǵan deputat G. Yusupova óz saylaw okrugi aymaǵındaǵı puqaralar menen gezektegi ushırasıwdı ótkerdi.
Ushırasıw dawamında máhálle turǵınları menen ashıq hám erkin sáwbetlesilip, olardıń turmıs sharayatları, máhálledegi jámiyetlik máseleler hám puqaralardıń usınıs-pikirleri tıńlandı.
Deputat puqaralardıń múrájatlarına itibar berip, kóterilgen máselelerdi orınında úyreniw, tiyisli shólkemler menen birgelikte olardıń sheshimin tabıw hám deputatlıq qadaǵalawdı kúsheytiw boyınsha pikirlerdi bildirdi.
Puqaralar menen tikkeley baylanısta bolıw, olardıń múrájatların tıńlaw hám mashqalalarına ámeliy járdem kórsetiw — deputatlıq jumıstıń tiykarǵı baǵdarlarınıń biri.