Xalq deputatlari Surxondaryo viloyati Kengashi deputati A.Oripov, Xalq deputatlari Oltinsoy tumani Kengashi
kotibiyati mudiri M.Xujanov, tuman Kengashi deputati X.Xujaqulov hamda Kotibiyat bosh mutaxassisi A.Esanov ishtirokida saylovchilar bilan ochiq muloqot o‘tkazildi. 

Uchrashuvda mahalla faollari, nuroniylar, yoshlar va xotin-qizlar ishtirok etib, hududni ijtimoiy-iqtisodiy rivojlantirish, obodonlashtirish, kommunal xizmatlar sifati, aholi bandligi, infratuzilmani yaxshilash hamda fuqarolarni qiynayotgan boshqa dolzarb masalalar yuzasidan fikr va takliflarini bildirdilar. 

Muloqot davomida saylovchilar tomonidan bildirilgan murojaat va takliflar atroflicha tinglanib, ularni qonunchilikda belgilangan tartibda hal etish hamda tegishli tashkilotlar bilan hamkorlikda ijrosini ta’minlash bo‘yicha zarur choralar belgilandi. 

Shuningdek, uchrashuvda deputatlik faoliyatining ustuvor yo‘nalishlari, saylovchilar murojaatlari bilan ishlash hamda aholi muammolarini joyida o‘rganish borasida amalga oshirilayotgan ishlar yuzasidan ma’lumotlar berildi. 

Saylovchilar bilan bunday ochiq va bevosita muloqotlarni muntazam tashkil etish, fuqarolarning murojaatlarini o‘rganish va ularning qonuniy manfaatlarini ta’minlash borasidagi ishlar izchil davom ettiriladi.