Xalq deputatlari Oltinsoy tumani Kengashi raisi, 22-Mingchinor saylov okrugidan saylangan deputat A.Turdiyev tomonidan Vazirlar Mahkamasining 2020-yil 18-fevraldagi 95-sonli “Ekologik xavfsizlik to‘g‘risidagi umumiy texnik reglamentni tasdiqlash haqida”gi qarori ijrosi yuzasidan Oltinsoy tumani Qishloq xo‘jaligi bo‘limida o‘rganish ishlari olib borildi. 

O‘rganish davomida mazkur qarorda belgilangan ekologik xavfsizlik talablariga rioya etilishi, tashkilot
hududining sanitariya-obodonlashtirish holati, atrof-muhitni muhofaza qilish hamda ish jarayonlarida ekologik xavfsizlikni ta’minlash masalalariga alohida e’tibor qaratildi. 

Shuningdek, mas’ul xodimlar bilan ekologik xavfsizlik talablariga qat’iy rioya etish, atrof-muhitga salbiy ta’sirlarning oldini olish hamda mavjud kamchiliklarni bartaraf etish yuzasidan fikr almashildi. 

O‘rganish yakunlari bo‘yicha aniqlangan holatlar yuzasidan tegishli tavsiyalar berilib, Vazirlar Mahkamasining 95-sonli qarori talablarini amalda ta’minlash, ekologik xavfsizlikni kuchaytirish va hududning obodonlashtirish holatini yanada yaxshilash bo‘yicha zarur chora-tadbirlarni amalga oshirish belgilab olindi.