Tashrif davomida milliy hunarmandchilik mahsulotlarini ishlab chiqarish va namoyish etish, savdo jarayonlari, ustalar faoliyati hamda tashrif buyuruvchilar uchun yaratilgan imkoniyatlar bilan yaqindan tanishildi.

Shuningdek, hunarmandlar bilan muloqot qilinib, ularning faoliyatini qo‘llab-quvvatlash, mahsulotlarni keng targ‘ib qilish, ichki va tashqi turizmni rivojlantirish hamda savdo hajmini oshirishga oid taklif va mulohazalar tinglandi.

Suhbat davomida hunarmandchilik sohasini rivojlantirishga oid amaldagi qonunchilik hujjatlarining mazmun-mohiyati tushuntirilib, hunarmandlar uchun belgilangan imtiyoz va imkoniyatlar yuzasidan zarur huquqiy tushuntirishlar berildi.

O‘rganish davomida aniqlangan masalalar yuzasidan tegishli tavsiyalar berilib, milliy hunarmandchilikni rivojlantirish va hunarmandlar faoliyatini qo‘llab-quvvatlash bo‘yicha amaliy choralarni davom ettirish zarurligi qayd etildi.

Hunarmandchilikni rivojlantirish, milliy merosni asrab-avaylash hamda mahalliy ishlab chiqaruvchilar faoliyatini qo‘llab-quvvatlash deputatlik faoliyatining ustuvor yo‘nalishlaridan biridir.

️ Xalq deputatlari Samarqand shahar Kengashi