#Deputatlik_nazorati #Kotibiyat_hududlarda #24_ta_tavsiyaviy_savol #haftalik_ish_reja_ijrosi

KO‘KSAROY MAHALLASIDA KUZ-QISH MAVSUMIGA TAYYORGARLIK VA ENERGETIKA TIZIMI HOLATI O‘RGANILDI

🇺🇿 Prezident raisligida o‘tkazilgan videoselektor yig‘ilishida belgilangan vazifalar, xususan, hududlarda energetika tizimi barqarorligini ta’minlash, elektr va tabiiy gaz ta’minotidagi muammolarni manzilli o‘rganish hamda ularni bartaraf etish bo‘yicha deputatlik nazoratini kuchaytirish yuzasidan berilgan topshiriqlardan kelib chiqib, Ko‘ksaroy mahallasida kuz-qish mavsumiga tayyorgarlik holati ko‘zdan kechirildi.

🇺🇿 Mazkur o‘rganish xalq deputatlari Uchtepa tumani Kengashining "14-O‘rikzor" saylov okrugi deputati, Kengashning Korrupsiyaga qarshi kurashish, davlat organlarida ochiqlikni ta’minlash, huquqiy va xavfsizlik masalalari bo‘yicha doimiy komissiyasi raisi Abdurashid Abdushukurov Abduraximovich tomonidan amalga oshirildi. Jarayonda mahalla hududidagi mavjud energetika infratuzilmasi, xususan, elektr transformator punktlari hamda gaz taqsimlash punktlarining (GTP) texnik holatiga alohida e’tibor qaratildi.

🕯 Xususan, Tong 4-tor ko‘chasida joylashgan 40-51-sonli, quvvati 800 kVt bo‘lgan transformator punktida olib borilayotgan kapital ta’mirlash ishlari bilan tanishildi. Mazkur ishlarning sifatli bajarilishi, transformator punktini kuz-qish mavsumida barqaror ishlashga tayyorlash hamda aholining elektr energiyasiga bo‘lgan ehtiyojini uzluksiz ta’minlash masalalari muhokama qilindi.

📊 Shuningdek, mahalla hududidagi gaz taqsimlash punktlari (GTP) ham ko‘zdan kechirilib, ularning texnik holati, mavsumga tayyorgarligi va mavjud muammolar tahlil qilindi. Aniqlangan masalalarni o‘z vaqtida bartaraf etish, gaz va elektr ta’minotida uzilishlarning oldini olish hamda kuz-qish mavsumida aholiga barqaror kommunal xizmatlar ko‘rsatilishini ta’minlash yuzasidan mahallaga biriktirilgan mas’ul xodimga tegishli murojaatlar bildirildi.

💼 O‘rganish mahalliy Kengashlar deputatlariga 24 ta tavsiyasi doirasida, xususan, kuz-qish mavsumida isitish tizimlarining barqaror ishlashini ta’minlash va energetika sohasidagi muammolarni joyiga chiqqan holda aniqlash yo‘nalishida olib borildi. O'rganish jarayonida xalq deputatlari Uchtepa tumani Kengashi kotibiyati mudiri Anvar Usmanov hamda kotibiyat bosh mutaxassisi Umidbek Abilov ishtirok etdi.