Xalq deputatlari Qo‘qon shahar Kengashi kotibiyati mudiri va deputati A.Nosirov tomonidan O'rozimergan qabristoni hududida olib borilayotgan obodonlashtirish ishlari joyiga chiqib o‘rganildi.

O‘rganish davomida qabriston hududining sanitariya holati, hududni obodonlashtirish, ichki yo‘laklarni tartibga keltirish, daraxt va yashil hududlarni parvarishlash, chiqindilarni o‘z vaqtida olib chiqish hamda fuqarolar uchun yaratilgan sharoitlar ko‘zdan kechirildi.

Shuningdek, mavjud kamchiliklar va obodonlashtirish ishlarini yanada sifatli tashkil etish yuzasidan mas’ullar bilan fikr almashilib, hududni ozoda va tartibli saqlash, infratuzilmani yaxshilash hamda aholiga qulay sharoit yaratish bo‘yicha tegishli tavsiyalar berildi.

Ta’kidlanganidek, qabristonlarni obod saqlash, ularning sanitariya holatini doimiy nazorat qilish va obodonlashtirish ishlarini tizimli ravishda amalga oshirish fuqarolar uchun munosib sharoit yaratishda muhim ahamiyat kasb etadi.

Mazkur yo‘nalishdagi ishlar deputat nazoratida bo‘lib, obodonlashtirish tadbirlarining sifatli va o‘z vaqtida amalga oshirilishi yuzasidan monitoring ishlari davom ettiriladi.

Xalq deputatlari Qo‘qon shahar Kengashi