Xalq deputatlari Qo‘qon shahar Kengashi deputati B.Usmanov tomonidan 17-"Marg'ilon darvozasi" saylov okrugi hududidagi "Marg'ilon darvozasi" mahalla fuqarolar yig‘inida yoshlar yetakchisining O‘zbekiston Respublikasining 2016-yil 14-sentabrdagi O‘RQ-406-sonli “Yoshlarga oid davlat siyosati to‘g‘risida”gi Qonuni ijrosi yuzasidan amalga oshirayotgan ishlari o‘rganildi.

O‘rganish davomida mahalla hududida 30 yoshgacha bo‘lgan 1 638 nafar yoshlar istiqomat qilishi, ular bilan tizimli ishlash, bandligini ta’minlash, kasb-hunarga yo‘naltirish, sport va madaniy tadbirlarga jalb etish hamda bo‘sh vaqtini mazmunli tashkil etish borasida amalga oshirilayotgan ishlar yuzasidan ma’lumotlar tinglandi.

Shuningdek, yoshlarning ijtimoiy faolligini oshirish, ularni tadbirkorlikka keng jalb etish, imtiyozli kredit va subsidiya dasturlaridan samarali foydalanishini ta’minlash, iqtidorli yoshlarni qo‘llab-quvvatlash hamda muammoli toifadagi yoshlar bilan manzilli ishlash masalalari muhokama qilindi.

O‘rganish yakunida “Yoshlarga oid davlat siyosati to‘g‘risida”gi Qonun talablarining to‘liq ijrosini ta’minlash, yoshlar bilan ishlash tizimi samaradorligini yanada oshirish hamda ularning murojaatlarini o‘z vaqtida hal etish yuzasidan tegishli tavsiya va takliflar bildirildi.

Xalq deputatlari Qo‘qon shahar Kengashi