Xalq deputatlari Qo‘qon shahar Kengashi deputati B.Usmanov tomonidan 17-"Marg'ilon darvozasi" saylov okrugi hududidagi "Marg'ilon darvozasi" mahalla fuqarolar yig‘inida navbatdagi sessiya kun tartibiga kiritilgan masalalar yuzasidan o‘rganish va muhokama o‘tkazildi.

Muhokama davomida O‘zbekiston Respublikasi Prezidentining 2025-yil 3-yanvardagi PQ–1-sonli "2025-yilda Respublika mahallalarida xavfsiz muhitni yaratish va huquqbuzarliklarning barvaqt oldini olish tizimi samaradorligini yanada oshirish bo‘yicha chora-tadbirlar to‘g‘risida"gi qarori ijrosi atroflicha ko‘rib chiqildi.

Shuningdek, mazkur yo‘nalish bo‘yicha Qo‘qon shahar Ichki ishlar bo‘limi boshlig‘ining 2026-yilning o‘tgan 6 oyi davomida amalga oshirilgan ishlar to‘g‘risidagi hisoboti yuzasidan fikr almashilib, hududdagi kriminogen vaziyat, huquqbuzarliklarning oldini olish, profilaktik tadbirlar samaradorligi hamda jamoat xavfsizligini ta’minlash borasida amalga oshirilayotgan ishlar muhokama qilindi.

O'rganish davomida mahalla hududlarida videokuzatuv kameralarini o‘rnatish va mavjud kameralar sonini ko‘paytirish, ularning uzluksiz ishlashini ta’minlash, jamoat joylari hamda ichki ko‘chalarda kuzatuv tizimini kengaytirish orqali huquqbuzarliklarning oldini olish masalalariga ham alohida e’tibor qaratildi.

Uchrashuv davomida mahalla faollari tomonidan bildirilgan taklif va mulohazalar tinglanib, mavjud muammolarni bartaraf etish, fuqarolarning osoyishtaligini ta’minlash hamda profilaktika ishlarini yanada kuchaytirish bo‘yicha tegishli tavsiyalar ishlab chiqildi.

Xalq deputatlari Qo‘qon shahar Kengashi