#deputat_so'rovi_javobi Deputat so‘roviga rasmiy javob olindi
Xalq deputatlari Pastdarg‘om tumani Kengashi deputati G. Xoliqulova tomonidan Lolazor mahallasidagi “O‘n ikki”, “Amir Temur” hamda “Tibbiyot” ko‘chalarini markazlashgan ichimlik suvi tarmog‘iga ulash masalasi yuzasidan yuborilgan deputat so‘roviga “Samarqand suv ta’minoti” AJ Pastdarg‘om tumani filiali tomonidan rasmiy javob taqdim etildi.
Javob xatida mazkur hududdagi fuqarolarni markazlashgan ichimlik suvi tarmog‘iga ulash ishlari amaldagi qonunchilik talablari asosida amalga oshirilishi qayd etilgan. Buning uchun murojaatchilar Davlat xizmatlari markazi yoki Yagona interaktiv davlat xizmatlari portali orqali ariza berib, belgilangan tartibda texnik shart olishlari lozimligi ma’lum qilingan.
Shuningdek, texnik shart rasmiylashtirilgandan so‘ng loyiha hujjatlari ishlab chiqilishi va texnik imkoniyatlardan kelib chiqib, ichimlik suvi tarmog‘iga ulash ishlari belgilangan tartibda amalga oshirilishi bildirildi.