Doimiy komissiya yig‘ilishi bo‘lib o‘tdi

Xalq deputatlari Pastdarg‘om tumani Kengashining Agrar, suv xo‘jaligi va ekologiya masalalari bo‘yicha doimiy komissiyasi yig‘ilishi bo‘lib o‘tdi.

Yig‘ilishda O‘zbekiston Respublikasi Prezidentining 2025-yil 20-oktabrdagi “Aholi va hududlarni favqulodda vaziyatlardan ishonchli muhofaza qilish sohasini sifat jihatidan yangi bosqichga ko‘tarish to‘g‘risida”gi PF-185-son Farmoni ijrosi bo‘yicha 2026-yil II choragi davomida amalga oshirilgan ishlar yuzasidan tuman hokimi J. Pardayevning hisoboti ko‘rib chiqildi.

Masala yuzasidan ishchi guruh tomonidan o‘rganish natijalari ham muhokama qilindi. Yig‘ilish davomida favqulodda vaziyatlarning oldini olish, aholi xavfsizligini ta’minlash, yong‘in xavfsizligi qoidalariga rioya etish, fuqarolarning “Xavfsizlik madaniyati”ni oshirish borasida amalga oshirilayotgan ishlar tahlil qilindi.