Sessiya kun tartibidagi masala yuzasidan joylardagi holat o‘rganilmoqda

Xalq deputatlari Pastdarg‘om tumani Kengashining navbatdagi sessiyasida ko‘rib chiqilishi rejalashtirilgan “O‘zbekiston–2030” strategiyasining suv resurslaridan foydalanish yo‘nalishi bo‘yicha amalga oshirilgan ishlar hamda suv tejovchi sug‘orish texnologiyalarini joriy etish holati to‘g‘risida”gi masala yuzasidan o‘rganish olib borilmoqda.

Xalq deputatlari Pastdarg‘om tumani Kengashi deputati B. Sadikova tomonidan Turkman MFY, Yerteshar qishlog‘i, Yerteshar ko‘chasidagi holat o‘rganildi.

O‘rganish jarayonida mahalla fuqarolari hamda ko‘chaboshisi F. Jo‘rayev bilan uchrashilib,sug‘orish tizimi, suv resurslaridan foydalanish holati va mavjud masalalar yuzasidan fikr almashildi.

Suhbat davomida ushbu ariq orqali 3 ta qishloq aholisining sug‘orish ishlari uchun foydalaniladigan suv doimiy ravishda kelib turishi, bu esa tomorqa va qishloq xo‘jaligi ekinlarini sug‘orishda muhim ahamiyat kasb etayotgani qayd etildi.