Mahalladagi tadbirkorlik tashabbuslari o‘rganildi

Xalq deputatlari Pastdarg‘om tumani Kengashi deputati B. Sadikova tomonidan Turkman mahallasida hokim yordamchisi faoliyati hamda aholi bandligini ta’minlash borasida amalga oshirilayotgan ishlar o‘rganildi.

O‘rganish davomida mahallada kredit olish istagida murojaat qilgan fuqarolarning yashash sharoitlari, tadbirkorlik tashabbuslari va faoliyatini rivojlantirish imkoniyatlari ko‘rib chiqildi.

Jumladan, Turkman MFY, Yerteshar qishlog‘i, Yerteshar ko‘chasi 5-xonadonda yashovchi Xursanov xonadonida bo‘lib, uning tadbirkorlik faoliyati, mavjud imkoniyatlari hamda kelgusidagi rejalari bilan tanishildi.

Uchrashuv davomida fuqaroga tadbirkorlik faoliyatini rivojlantirish, moliyaviy imkoniyatlardan samarali foydalanish, mavjud muammolarni hal etish bo‘yicha tavsiyalar berildi.

Mahallalarda aholi bandligini ta’minlash, tadbirkorlik tashabbuslarini qo‘llab-quvvatlash va fuqarolar murojaatlarini o‘rganish bo‘yicha deputat nazorati davom ettiriladi.