Deputatlik nazorati: ijtimoiy obyektlardagi ishlar o‘rganilmoqda

O‘zbekiston Respublikasi Prezidentining PQ-393-son qarori asosida Pastdarg‘om tumanida qator ijtimoiy obyektlarni rekonstruksiya qilish va qo‘shimcha binolar qurish bo‘yicha belgilangan ishlar amalga oshirilmoqda.

Mazkur dastur doirasida Xalq deputatlari Pastdarg‘om tumani Kengashi deputati M. Altibayeva tomonidan Esaboy MFY hududidagi 43-son umumiy o‘rta ta’lim maktabini rekonstruksiya qilish hamda qo‘shimcha 240 o‘rinli o‘quv bino qurilishi bo‘yicha olib borilayotgan ishlar o‘rganildi.

O‘rganish jarayonida qurilish-ta’mirlash ishlari holati, yaratilayotgan sharoitlar hamda loyiha doirasida belgilangan vazifalarning bajarilishi ko‘zdan kechirildi.

Mazkur ishlar natijasida maktabda o‘quvchilar uchun zamonaviy va qulay ta’lim sharoitlari yaratilishi, ta’lim sifati va imkoniyatlari yanada oshirilishi ko‘zda tutilgan.

Ijtimoiy soha obyektlarida amalga oshirilayotgan loyihalar yuzasidan deputatlik nazorati davom ettirilmoqda.