Xalq deputatlari Chilonzor tuman Kengashi deputati, "Milliy tiklanish" partiyasi a’zosi Imamov Sanjarali Tolkinovichning deputat so‘roviga Chilonzor tuman hokimining qurilish, to‘siqsiz muhit yaratish, kommunikatsiyalarni rivojlantirish, ekologiya va ko‘kalamzorlashtirish masalalari bo‘yicha o‘rinbosari K. Xamrayev tomonidan javob taqdim etildi.
Ma’lum qilinishicha, Chilonzor tuman elektr ta’minoti korxonasi mutaxassislari tomonidan hudud joyiga chiqqan holda o‘rganildi. Natijada Beshqo‘rg‘on 3-berk ko‘chasi aholisini elektr tarmog‘iga ulash ishlari to‘liq yakunlanib, hudud 7981-sonli transformatorga ulandi.
Ayni paytda aholi uchun shaxsiy hisob raqamlarini ochish ishlari bosqichma-bosqich amalga oshirilmoqda va yaqin vaqt ichida to‘liq yakunlanishi rejalashtirilgan.