Soliq to‘lovchilarning murojaatlari deputatlik nazoratida

Xalq deputatlari Pastdarg‘om tumani Kengashi deputati N.Allayorova tomonidan navbatdagi sessiya kun tartibiga kiritilgan tuman soliq inspeksiyasi rahbarining mahalliy budjet daromadlari bajarilishi holati, qo‘shimcha rezervlarni aniqlash bo‘yicha amalga oshirilgan ishlar, soliqlar va boshqa majburiy to‘lovlarning hisoblanishi hamda to‘lanishi, shuningdek soliq qarzdorligi to‘g‘risidagi hisoboti yuzasidan joylarda o‘rganish ishlari olib borildi.

O‘rganish doirasida deputat Ilm MFY, Gallakor ko‘chasida faoliyat yuritayotgan kichik tadbirkor, nonvoy Alakulova E’zoza bilan uchrashib, uning soliq to‘lovchi sifatida faoliyati davomida duch kelayotgan muammolari va takliflarini tingladi.

Muloqot jarayonida mahalla soliq xodimi ham ishtirok etib, tadbirkorni qiynab kelayotgan masala joyida muhokama qilindi. Amaldagi qonunchilik talablari asosida zarur tushuntirishlar berilib, muammoning yechimi yuzasidan amaliy choralar belgilandi.