📌 Joyiga chiqqan holda olib borilgan o‘rganishlar natijasida mahallalar hududida joylashgan transformator punktining texnik holati mavjud yuklama va foydalanish talablari darajasiga
to‘liq javob bermasligi aniqlandi. Mazkur transformator orqali elektr energiyasi bilan ta'minlanayotgan xonadonlarda elektr uzilishlari kuzatilayotgani, bu esa aholi uchun qator noqulayliklarni keltirib chiqarib, fuqarolarning haqli e'tiroz va murojaatlariga sabab bo‘layotgani qayd etildi. 

🔹 Aniqlangan kamchiliklarni tezkor bartaraf etish hamda elektr ta'minoti tizimining ishonchliligi va barqarorligini oshirish maqsadida deputat tashabbusi bilan tuman elektr tarmoqlari mutaxassislari tomonidan zarur texnik va tashkiliy choralar ko‘rildi. 

✅ Transformatorga qo‘shimcha avtomatik uzatma qurilmasi o‘rnatilib, yangi elektr kabeli tortildi. Mazkur amaliy ishlar elektr tarmog‘idagi yuklamani me'yorlashtirish, avariyaviy holatlar va elektr uzilishlari ehtimolini kamaytirish, eng muhimi esa hudud aholisini sifatli, barqaror va uzluksiz elektr energiyasi bilan ta'minlashga xizmat qiladi.  

 👇Bizni kuzatishda davom eting👇 

🇺🇿 Xalq deputatlari Uchko‘prik tumani Kengashi