#Deputatlik_nazorati #Kotibiyat_hududlarda #24_ta_tavsiyaviy_savol

YANGIYO‘L MAHALLASIDA “MAHALLA YETTILIGI” FAOLIYATI VA IJTIMOIY MASALALAR O‘RGANILDI

🇺🇿 Yangiyo‘l mahallasida “mahalla yettiligi” faoliyati hamda hududda aholini qiynayotgan masalalar yuzasidan suhbat o‘tkazildi. Unda Oliy Majlis Qonunchilik palatasi deputati Durbek Axmedov hamda Xalq deputatlari Uchtepa tumani Kengashi kotibiyati mudiri Anvar Usmanov ishtirok etdi.

📇 O‘rganish davomida mahallada 1 791 ta xonadon, 2 189 ta oila mavjud bo‘lib, ularda 6 467 nafar fuqaro istiqomat qilayotgani ma’lum qilindi. Shuningdek, 49 ta oila tegishli ijtimoiy reyestrlarga kiritilgan, 90 nafar xotin-qiz “Ayollar daftari”ga kiritilgan.

📁 Mahalliy Kengash deputatlarining 24 talik tavsiyaviy savolnomasi asosida mahalladagi ijtimoiy xodim faoliyati, aholining ijtimoiy ehtiyojmand qatlamlariga xizmat ko‘rsatish sifati, kam ta’minlangan oilalarga ijtimoiy nafaqa va moddiy yordam tayinlash hamda to‘lash jarayonlari tahlil qilindi.

💬 Shuningdek, mahalla xotin-qizlar faoli tomonidan “Ayollar daftari”ga kiritilgan xotin-qizlar bilan olib borilayotgan ishlar, ularning muammolarini hal etish va bandligini ta’minlash borasidagi faoliyat samaradorligi muhokama qilindi.

🗂 Mazkur ishlar O‘zbekiston Respublikasi Prezidentining 2023-yil 21-dekabrdagi PF-209-son Farmoni hamda PQ-402-son qarorida belgilangan mahallani aholi muammolarini hal etishdagi birinchi bo‘g‘inga aylantirish vazifalaridan kelib chiqib davom ettiriladi. Aniqlangan masalalarni manzilli hal etish va aholiga ko‘rsatilayotgan ijtimoiy xizmatlar sifatini oshirish bo‘yicha tegishli vazifalar belgilandi.