Sessiya kun tartibidagi masala joyiga chiqib o‘rganildi
Xalq deputatlari Qo‘shko‘pir tuman Kengashi deputati D. Sattarova navbatdagi 32-sessiya kun tartibiga kiritilgan masala yuzasidan "Taraqqiyot" mahallasida joyiga chiqib o‘rganish ishlarini olib bordi.
O‘rganish davomida O‘zbekiston Respublikasi Prezidentining aholi murojaatlari bilan ishlash borasida belgilab bergan ustuvor vazifalari ijrosi, Xalq qabulxonasi hamda hududdagi tashkilot va muassasalar rahbarlarining fuqarolar murojaatlari va mavjud muammolarni hal etish bo‘yicha faoliyati atroflicha tahlil qilindi.
Shuningdek, murojaatlarni o‘z vaqtida ko‘rib chiqish, ularning qonuniy va adolatli yechimini ta’minlash, rahbarlarning aholi bilan ochiq muloqotini kuchaytirish hamda hududda ijtimoiy muammolarni bartaraf etish yuzasidan amalga oshirilayotgan ishlar o‘rganildi.
Deputat tomonidan sessiya kun tartibiga kiritilgan mazkur masalaning ijrosini ta’minlash, fuqarolar murojaatlariga mas’uliyat bilan yondashish, davlat organlari va tashkilotlari rahbarlarining hisobdorligini yanada oshirish hamda aholi manfaatlarini ta’minlash bo‘yicha tegishli tavsiya va takliflar bildirildi.