ДЕПУТАТ САЙЛАНГАН ОКРУГДА «ҲОКИМ ВА ЁШЛАР УЧРАШУВИ» ЎТКАЗИЛДИ
Янгиқўрғон тумани ҳокими, Халқ депутатлари Янгиқўрғон тумани Кенгаши депутати Нажмиддинов Асадулла Икромович ўзи сайланган сайлов округида ёшлар билан очиқ мулоқот ўтказди.
«Ҳоким ва ёшлар учрашуви»да секторлар раҳбарлари, масъул ташкилотлар вакиллари, маҳалла фаоллари ҳамда ташаббускор ёшлар иштирок этдилар.
Учрашув давомида ёшларнинг сифатли таълим олиши, бандлигини таъминлаш, касб-ҳунар ўрганиши, тадбиркорлик ташаббусларини қўллаб-қувватлаш, бўш вақтларини мазмунли ташкил этиш ҳамда уларни қийнаётган муаммоларга ечим топиш масалалари муҳокама қилинди.
Ёшлар ўзларини қизиқтирган масалалар, мавжуд муаммолар, таклиф ва ташаббусларини тўғридан-тўғри туман ҳокимига билдирдилар. Ҳар бир мурожаат атрофлича ўрганилиб, қонуний ва амалий ечимини таъминлаш бўйича мутасадди раҳбарларга тегишли топшириқлар берилди.
Шунингдек, истиқболли ғоя ва ташаббусларни қўллаб-қувватлаш, ёшларнинг жамият ҳаётидаги фаоллигини ошириш ҳамда улар учун янги имкониятлар яратиш юзасидан вазифалар белгилаб олинди.
Учрашув самимий, очиқ ва ишчан мулоқот руҳида ўтди.