Avval xabar berganimizdek, xalq deputatlari shahar Kengashi deputati Lenura Baydullayeva tomonidan Mahmudxo‘ja Behbudiy mahallasida o‘rganish ishlari olib borilgan va hududda bir qator kamchiliklar aniqlangan edi.
Mazkur muammolarni bartaraf etish hamda hududni tartibga keltirish maqsadida, deputat tashabbusi bilan “mahalla yettiligi” hamkorligida keng qamrovli hashar tadbiri tashkil etildi.

🤝 Hamjihatlikdagi ezgu ishlar
Obodonlashtirish va tozalik ishlariga nafaqat mahalla faollari, balki mutasaddi vakillar ham munosib hissa qo‘shishdi. Xususan, ushbu xayrli tashabbusda:
Sevar Qodirova — Xalq deputatlari shahar Kengashi kotibiyati mudiri;
Faxriddin Matasimov — 1-okrug deputati;
Mukarram Ne’matullayeva — Kotibiyat bosh mutaxassisi faol ishtirok etishdi.

✨ Natija
Birgalikdagi harakatlar va hamjihatlik samarasi o‘laroq, mahalla hududi qisqa fursatda tozalanib, yana-da obod va ko‘rkam qiyofaga kirdi.

“Tozalik va obodonchilik har bir go‘shaga ko‘rk bag‘ishlaydi”. Bu kabi hamkorlikdagi xayrli ishlar shahrimizning barcha mahallalarida izchil davom ettirilmoqda.