Olmaliq shahar "O‘lkashunoslik" muzeyining bugungi holati, eksponatlar saqlanishi va moddiy-texnik bazasini ko‘zdan kechirish maqsadida navbatdagi o‘rganish ishlari olib borildi.

Xalq deputatlari Olmaliq shahar Kengashi 1-okrug deputati Faxriddin Matasimov hamda Kengash kotibiyatidan biriktirilgan mas’ul xodim Muhriddin Begmatov muzeyda bo‘lib, u yerdagi shart-sharoitlar bilan yaqindan tanishdilar.
O‘rganish davomida quyidagi masalalarga alohida e’tibor qaratildi:
Muzey fondida saqlanayotgan tarixiy eksponatlarning xavfsizligi va saqlanish darajasi;
Tashrif buyuruvchilar, ayniqsa, yoshlar uchun yaratilgan qulayliklar;
Muzey binosining isitish-sovitish tizimlari hamda mavjud muammolar.

Deputat F. Matasimov ta’kidlaganidek: "Muzey — shunchaki o‘tmish ko‘zgusi emas, u yoshlarimizni vatanparvarlik ruhida tarbiyalaydigan ma’naviyat maskanidir. Shu bois, bu yerdagi muammolarni hal etish, muzey jozibadorligini oshirish doimiy e’tiborimizda bo‘ladi."
Yakunda aniqlangan kamchiliklarni bartaraf etish hamda muzey faoliyatini yanada rivojlantirish bo‘yicha takliflar shakllantirilib, tegishli chora-tadbirlar belgilandi.