✍️Olmaliq shahrida deputatlarning faoliyat samaradorligini oshirish, hududiy muammolarni tizimli hal etish hamda qonunlar ijrosini ta’minlash maqsadida navbatdagi o‘quv seminari tashkil etildi.

Seminarda xalq vakillarining ishini to‘g‘ri tashkil etish va ularga amaliy ko‘mak berish bo‘yicha quyidagi muhim vazifalar belgilab berildi va tavsiyalar berildi:
⚖️Shahar hududida 162 ta qonun ijrosini maxsus savolnomalar asosida tizimli o‘rganish ishlarini tashkil qilish;
🛡Har bir deputat o‘z saylov okrugida 24 ta yo‘nalish bo‘yicha nazorat tadbirlarini yo‘lga qo‘yishi;
📌Kengash raisi tomonidan har bir deputatga Kotibiyatdan xodimlar biriktirilishi hamda ularga doimiy ravishda uslubiy yordam ko‘rsatib borilishi vazifasi yuklatildi;
📌Deputatlarning kunlik bajargan ishlari muntazam ravishda tahlil qilib boriladi;
Hujjatlar bilan ishlash: O‘rganish jarayonlarida xalq vakillari tomonidan "Deputat o‘rganish jurnali"dan samarali foydalanish.

🎖Faollar munosib taqdirlandi
Seminar yakunida Kengash tomonidan amalga oshirilgan ishlar ham sarhisob qilindi. 2026-yilning 5 oyi yakunlari yuzasidan shahar hududida samarali faoliyat yuritgan, saylovchilar muammolarini hal etishda alohida tashabbus ko‘rsatgan bir guruh deputatlar shahar Kengashi raisi Daniyar Karimov tomonidan tashakkurnoma bilan tantanali ravishda taqdirlandilar.

Asosiy maqsad: Deputatlarning faolligi va mas’uliyatini oshirish, har bir saylov okrugida qonunlar ustuvorligi hamda aholi farovonligini ta’minlashdan iboratdir!