Yunusobod tumani Kengashi raisi Ravshan Yusupov tashabbusi bilan hamda Yunusobod tumani Soliq inspeksiyasi boshlig‘i K.Toshpo’latov bilan hamkorlikda «Mirzo Ulug‘bek» mahallasida barpo etilishi rejalashtirilayotgan bolalar va sport maydonchalari hududi ko‘zdan kechirildi.

🔎O‘rganish jarayonida mutasaddi tashkilotlar vakillari ishtirok etib, qurilish amalga oshirilishi rejalashtirilgan hududning mavjud holati, texnik imkoniyatlari hamda loyiha doirasida bajariladigan ishlar muhokama qilindi.

🤝Ta’kidlanganidek, mazkur loyiha mahalla aholisi, ayniqsa bolalar va yoshlar uchun qulay hamda zamonaviy sport infratuzilmasini yaratish, ularning bo‘sh vaqtini mazmunli tashkil etish va sog‘lom turmush tarzini keng targ‘ib etishga xizmat qiladi.

✍️O‘rganish yakunida loyiha hujjatlarini belgilangan tartibda tayyorlash hamda qurilish ishlarini boshlash uchun zarur tashkiliy choralarni ko‘rish yuzasidan mas’ul tashkilotlarga tegishli vazifalar belgilandi. Mazkur masala deputatlik nazoratida bo‘ladi.

Bizni kuzatishda davom eting!