O‘rganishlar davomida “Mehrobod” mahallasining Olmazor ko‘chasidan o‘tuvchi, aholi orasida “Turkman ariq” nomi bilan tanilgan ichki ariq uzoq vaqt davomida tozalanmagani, natijada uning o‘zani maishiy chiqindilar, loyqa va yovvoyi o‘tlar bilan qoplanib qolganligi aniqlandi.

💬Shuningdek, mazkur holat hududning sanitariya-ekologik holatiga salbiy ta’sir ko‘rsatib, suvning erkin oqib o‘tishiga to‘sqinlik qilayotgani hamda obodonlashtirish ishlariga salbiy ta’sir etayotgani qayd etildi. Mazkur muammo yuzasidan deputat tomonidan Termiz shahar hokimining obodonlashtirish masalalari bo‘yicha o‘rinbosari B. Ergashovga deputat so‘rovi yuborildi.

💬Deputat so‘rovida:

🟢ariq o‘zanini maishiy chiqindilar, loyqa va yovvoyi o‘tlardan tozalash;
🟢ariqning yon-atrof hududlarini obodonlashtirish;
🟢suv o‘tkazuvchanligini tiklash va ekologik holatni yaxshilash;
🟢amalga oshirilgan ishlar yuzasidan qonunchilikda belgilangan muddatlarda yozma ma’lumot taqdim etish masalalari ko‘tarildi.

💬Fuqarolar tomonidan bildirilayotgan murojaatlar va joylarda aniqlanayotgan muammolar deputatlik nazoratida bo‘lib, aholi uchun qulay, obod va ekologik jihatdan sog‘lom muhit yaratish yo‘lida tegishli tashkilotlar bilan hamkorlikda amaliy choralar ko‘rilmoqda.

🫥Mahalla obodligi – aholi farovonligining muhim omili. Har bir murojaat e’tiborda, har bir muammo nazoratda!