#deputat_soʻrovi #poytaxtdeputatlari #deputatlik_faoliyati

❗️ Deputatlik so‘rovi orqali Mirobod tumanidagi ichki yo‘llar va bolalar maydonchalari masalalari ko‘tarildi

🏛 Xalq deputatlari Toshkent shahar Kengashi deputati Otabek Jiyanboyev tomonidan Mirobod tumanidagi “Birodarlik”, “Farovon” va “Afrosiyob” mahalla fuqarolar yig‘inlaridan kelib tushgan murojaatlar asosida Toshkent shahar hokimi Sh.B. Umurzakov nomiga deputatlik so‘rovlari yuborildi.

📩 Fuqarolar murojaatlarida “Birodarlik” mahallasidagi Yashnobod ko‘chasining ichki yo‘llari, “Farovon” mahallasidagi ichki yo‘llar hamda “Afrosiyob” mahallasidagi Yakub Kolos ko‘chasi 10-uy ichki hudud yo‘llari ta’mirtalab holga kelgani, yo‘llardagi nosozliklar transport harakati va piyodalar uchun jiddiy noqulayliklar tug‘dirayotgani qayd etilgan. Shu bois mazkur hududlarda asfalt qoplamasini yotqizish va ichki yo‘llarni belgilangan me’yorlar asosida ta’mirlash yuzasidan amaliy yordam so‘ralgan.

🛣 Deputatlik so‘rovida Toshkent shahar hokimidan mazkur hududlarni mutaxassislar ishtirokida joyiga chiqib o‘rganish, ichki yo‘llarning texnik holatini baholash, ularni ta’mirlash va asfaltlash imkoniyatlarini tegishli dasturlar hamda moliyalashtirish manbalari doirasida ko‘rib chiqish, shuningdek aholi uchun xavfsiz transport va piyodalar harakatini ta’minlash bo‘yicha zarur choralarni belgilash so‘ralgan.

🎠 Shuningdek, deputat tomonidan yuborilgan yana bir deputatlik so‘rovida “Farovon” mahallasidagi Afrosiyob ko‘chasi 12/1–14/1-uylar hamda “Afrosiyob” mahallasidagi Afrosiyob ko‘chasi 21, 25, 37, 39 va 41-uylar hovlilarida joylashgan bolalar maydonchalari eskirib, foydalanish uchun noqulay holga kelgani qayd etilgan. Murojaatlarda ushbu hududlarda zamonaviy, xavfsizlik talablariga javob beradigan bolalar maydonchalarini barpo etish yuzasidan amaliy yordam ko‘rsatish so‘ralgan.

📝 Shu munosabat bilan deputat Otabek Jiyanboyev tomonidan “Xalq deputatlari viloyat, tuman va shahar Kengashi deputatining maqomi to‘g‘risida”gi Qonunning 5 va 8-moddalari asosida Toshkent shahar hokimi Sh.B. Umurzakovdan mazkur ichki yo‘llar va bolalar maydonchalarining holatini joyiga chiqib o‘rganish, ularni ta’mirlash hamda zamonaviy infratuzilma bilan jihozlash yuzasidan tegishli choralarni ko‘rish, amalga oshiriladigan ishlar bo‘yicha qonunchilikda belgilangan muddatlarda asoslantirilgan yozma ma’lumot taqdim etish so‘raldi.

🤝 Mazkur masalalar deputat Otabek Jiyanboyev tomonidan nazoratga olingan.

📱 Telegram 📱 Instagram 📱 Facebook 📱 YouTube 🔎 E-kengash