Xalq deputatlari Taxiatosh tumani Kengashi raisi, Oʻzbekiston Liberal-demokratik partiyasidan saylangan deputat Xidirbayev Rashid Xidirbayevich Kengash kotibiyati bosh mutaxassisi D.Xodjanov hamda “Ekspert guruhi” a’zosi M.Mamutov bilan birgalikda “Keksalar, nogironligi bo‘lgan shaxslar va aholining boshqa ijtimoiy ehtiyojmand toifalari uchun ijtimoiy xizmatlar to‘g‘risida”gi O‘zbekiston Respublikasi Qonuni (O‘RQ–641, 2020-yil 15-oktyabr) ijrosi yuzasidan nazorat tadbirlarini davom ettirdi.

🏡 Navbatdagi manzilda “Taxiatosh” MFY 10-Xo‘jayli saylov okrugi hududida yashovchi yolg‘iz keksa va nogironligi bo‘lgan fuqaro O‘.K. xonadoniga tashrif buyurildi.

🤝 Suhbat davomida fuqaroning yashash sharoiti, davlat tomonidan berilayotgan ijtimoiy imtiyozlardan foydalanishi, ko‘rsatilayotgan tibbiy va ijtimoiy xizmatlar sifati hamda kundalik ehtiyojlari yuzasidan holati o‘rganildi.

🦽 Shuningdek, fuqaroning ehtiyojidan kelib chiqib reabilitatsiya texnik vositalari va protez-ortopediya buyumlari bilan ta’minlash masalasi ko‘rib chiqildi. Shu maqsadda Inson ijtimoiy xizmatlar markazi operatori tomonidan tegishli ariza rasmiylashtirildi.

📍 Ehtiyojmand fuqarolarni joyiga chiqib o‘rganish, ularning muammolariga manzilli yechim topish va zarur ijtimoiy xizmatlar bilan qamrab olish — deputatlik nazoratining muhim yo‘nalishlaridan biridir.