Xalq deputatlari Angor tumani Kengashi 7-Yangiobod saylov okrugi deputati Qosim Mardonov Esanovich hududida o‘rganish ishlari olib borildi.

O‘rganish jarayonida Kotibiyat bosh mutaxassisi M. Choriyeva ishtirokida hududdagi hokim yordamchisining faoliyati, fuqarolarni tadbirkorlik va daromadli mehnatga jalb etish borasida amalga oshirilayotgan ishlar tahlil qilindi.

Jumladan, hokim yordamchisi tomonidan taqdim etilgan ma’lumotlarga ko‘ra, fuqarolarning bandligini ta’minlash va ularning daromad manbalarini kengaytirish maqsadida 22 nafar fuqaroga tegishli dastur asosida kredit mablag‘lari ajratilgani, shuningdek, chorvachilik yo‘nalishida 3 nafar fuqaroga kredit ajratilib, ularning xo‘jalik faoliyatini yo‘lga qo‘yishiga ko‘maklashilgani ma’lum qilindi.

O‘rganish davomida ajratilgan kredit mablag‘larining maqsadli yo‘naltirilishi, fuqarolarning tadbirkorlik faoliyatini rivojlantirish hamda yaratilayotgan imkoniyatlardan samarali foydalanishi masalalariga alohida e’tibor qaratildi.

📌 Mazkur yo‘nalishdagi ishlarni tizimli davom ettirish, fuqarolarni qo‘llab-quvvatlash va ularning bandligini ta’minlash borasidagi ishlar deputatlik nazorati asosida o‘rganib boriladi.