♻️ Xalıq deputatları Shımbay rayonlıq Keńesi baslıǵı aymaqlarda alıp barılıp atırǵan sociallıq-ekonomikalıq reformalardıń orınlanıwı, qurılıs-obodonlastırıw jumıslarınıń sapası hám turǵınlar ushın yaratılıp atırǵan qolaylılıqlardı úyreniw maqsetinde «Temir jol gúzarı» máhálle puqaralar jıyınında boldı.

«Temir jol gúzarı» MPJ aymaǵındaǵı 49-sanlı ulıwma bilim beriw mektebi Ózbekstan Respublikası Prezidentiniń 2025-jıl 7-may kúngi «Energiya nátiyjeliligin arttırıwǵa qaratılǵan joybarlardı jedellestiriw ilajları haqqında»ǵı 300 sanlı qararına tiykar, 13 mlrd. 350 mln swm qarjı ajıratılıp, «Baxıt kurılıs» JShJ tárepinen qurılıs jumısları alıp barılmaqta

✅ Ilaj dawamında qurılıs jumıslarında qollanılıp atırǵan materiallardıń energiya nátiyjeliligi talaplarına juwap beriwi, obektti óz waqtında hám sapalı paydalanıwǵa tapsırıw, sonday-aq ajıratılǵan qarjılardıń maqsetli sarplanıwın támiyinlew máselelerine ayrıqsha itibar qaratıldı.

✍️ Ilaj sońında deputat O.Tolıbekov juwapkerlerge qurılıs sapasın turaqlı qadaǵalap barıw, mektepte oqıwshılar ushın zamanagóy hám qolaylı imakaniyatlardı jaratıw, sonday-aq, qurılıs jumısların óz waqtında juwmaqlaw boyınsha anıq tapsırmalar hám usınıslar berdi.