"Fuqarolarning o‘zini o‘zi boshqarish organlari to‘g‘risida"gi O‘zbekiston Respublikasi Qonunining (O‘RQ-350, 22.04.2013-y.) joylardagi ijrosini ta’minlash va mahalla institutining faoliyat samaradorligini tahlil qilish izchil davom ettirilmoqda.
Shu munosabat bilan, "Zarbuloq" mahalla fuqarolar yig‘inida qonun ustuvorligini va belgilangan vazifalarni o‘rganish maqsadida ishchi guruh tomonidan monitoring o‘tkazildi.

👥 Ishchi guruh tarkibi:
Abdujabbor Djurayev – Xalq deputatlari Olmaliq shahar Kengashining 2-okrug deputati;
Zuxra Pulatova – Xalq deputatlari Olmaliq shahar Kengashining 12-okrug deputati;
Muhriddin Begmatov – Shahar Kengashi Kotibiyati bosh mutaxassisi.

✍️O‘rganish jarayoni va natijalari:
O‘rganish ishlari qonun talablaridan kelib chiqqan holda, maxsus ishlab chiqilgan savolnoma asosida shaffof va tizimli tarzda olib borildi.
Monitoring davomida mahallada aholi muammolarini hal etish va ijtimoiy muhitni sog‘lomlashtirishga mas’ul bo‘lgan "mahalla yettiligi" tizimidan quyidagi vakillarning faoliyati va ish samaradorligi ko‘zdan kechirildi:
📥Mahalla raisi;
📥Hokim yordamchisi;
📥Ijtimoiy xodim;
📥Xotin-qizlar faoli.

Xulosa: O‘rganishlar davomida mas’ul xodimlarning qonunchilikda belgilangan vakolat va majburiyatlari, fuqarolar bilan ishlash tizimi hamda mahalladagi ijtimoiy-iqtisodiy holat tahlil qilinib, tegishli tavsiyalar berildi. Mahalla institutini yanada takomillashtirish bo‘yicha deputatlik nazorati davom etadi.