Xalq deputatlari Bo‘stonliq tumani Kengashining 2026-yilga mo‘ljallangan ish rejasiga muvofiq O‘zbekiston Xalq demokratik partiyasidan saylangan deputat E.Soliyevga biriktirilgan kotibiyat xodimi N.Kurganova tomonidan tumanning Markaziy kutubxonasi faoliyati va yaratilgan sharoitlar o‘rganildi.

O‘rganish jarayonida kutubxonaning moddiy-texnik bazasi, kitob fondining holati, elektron kutubxona tizimidan foydalanish imkoniyatlari, o‘quv zallari, axborot-kommunikatsiya texnologiyalari bilan jihozlanganligi, fuqarolarga ko‘rsatilayotgan axborot-kutubxona xizmatlari sifati va kitobxonlar uchun yaratilgan qulayliklar tahlil qilindi.

Shuningdek, kitob fondini yangi adabiyotlar bilan boyitish, milliy va jahon adabiyoti namunalarini kitobxonlarga yetkazish, elektron katalog tizimi, kitoblarni hisobga olish va saqlash tartibi, kitobxonlar soni hamda ularning yosh toifalari bo‘yicha ko‘rsatkichlar o‘rganildi.

O‘rganish davomida kutubxona faoliyatini yanada takomillashtirish, kitob fondini dolzarb va zamonaviy adabiyotlar bilan muntazam to‘ldirib borish, raqamli xizmatlar ko‘lamini kengaytirish, kitobxonlar sonini oshirish, ta’lim muassasalari va mahallalar bilan hamkorlikni mustahkamlash yuzasidan mas’ullarga tegishli tavsiyalar berildi.