Xalq deputatlari Olmaliq shahar Kengashi 2-okrug deputati Abdujabbor Djurayev hamda Kotibiyat bosh mutaxassisi Muhriddin Begmatov tomonidan “Kimyogar” mahallasida ijtimoiy xodim va hokim yordamchisining faoliyati o‘rganildi.

O‘rganish davomida O‘zbekiston Respublikasi Prezidentining PF-209-sonli farmon talablaridan kelib chiqib, mahallada ijtimoiy himoyaga muhtoj oilalarni qo‘llab-quvvatlash va ishsiz fuqarolar bandligini ta’minlash borasida amalga oshirilayotgan ishlar atroflicha tahlil qilindi.

Xulosa va natija:

Mas’ullarning ish faoliyati umumiy hisobda qoniqarli deb topildi. Shuning bilan birga, ish samaradorligini yanada oshirish maqsadida aniqlangan ayrim kamchiliklarni bartaraf etish bo‘yicha deputat tomonidan tegishli tavsiya va ko‘rsatmalar berildi.

Aholining ijtimoiy muammolarini hal etish va ularga ko‘maklashish borasidagi o‘rganishlar davom etmoqda.