Sessiya ishida Xalq deputatlari Toshkent viloyati Kengashi deputatlari, shahar Kengashi deputatlari, shahar hokimi o‘rinbosarlari, siyosiy partiya raislari hamda OAV vakillari — “OKMK” telekanali va shahar hokimligi matbuot xizmati xodimlari ishtirok etishdi.

✍️Kun tartibidagi masalalar:
Sessiya davomida shahar hayoti va ijtimoiy-iqtisodiy rivojlanishiga oid quyidagi dolzarb masalalar atroflicha muhokama qilindi:
1. Toshkent viloyati transport boshqarmasiga yuborilgan "Kengash so‘rovi" natijalari (Oliy Majlis Senatining KQ-53-V-sonli qarori ijrosi talablaridan kelib chiqqan holda) to'g'risida.
2. Shahar hududida amalga oshiriladigan tadbirlar va xarajatlar uchun 2026-yil 1-chorak daromadlar rejasining orttirib bajarilgan qismi hisobidan mablag‘ yo‘naltirish to'g'risida.
3. O‘zbekiston Respublikasi Vazirlar Mahkamasining 2026-yil 25-fevral kunidagi 78-sonli qarori ijrosi yuzasidan Yoshlarning intellektual salohiyatini yuksaltirish, ularning bo‘sh vaqtini mazmunli tashkil etish va huquqiy savodxonligini oshirish, shuningdek, besh muhim tashabbus doirasidagi tadbirlarni moliyalashtirish to‘g‘risida.
4. Olmaliq shahrida aholi muammolari va murojaatlari bilan ishlash tizimini yangi darajaga ko‘tarish hamda jamoatchilik fikrini chuqur tahlil qilish bo‘yicha Qarshi shahri tajribasi asosida chora-tadbirlar rejasini tasdiqlash to'g'risida.

Kun tartibiga kiritilgan barcha masalalar deputatlar tomonidan qizg‘in muhokama qilinib, shahar rivoji va aholi farovonligiga xizmat qiluvchi tegishli qarorlar bir ovozdan tasdiqlandi.
🌐 Sessiya jarayoni jamoatchilik uchun to‘liq ochiq tarzda, shahar Kengashining rasmiy Facebook sahifasi orqali jonli efirga uzatildi.