Murojaatda fuqarolar mazkur ko‘chalardan o‘tuvchi yuqori kuchlanishli elektr uzatish tarmoqlari yer sathiga juda yaqin joylashgani, elektr ustunlari orasidagi masofa me’yoriy talablarga mos emasligi sababli simlarning osilib qolayotganini ma’lum qildilar.

️ Shuningdek, murojaatchilar elektr ustunlarining joylashuvini qayta ko‘rib chiqish hamda zarur hollarda ularning o‘rnini o‘zgartirish orqali mavjud muammoni bartaraf etish mumkinligini bildirib, ushbu holat aholi hayoti va xavfsizligi uchun xavf tug‘dirayotganini ta’kidladilar.

Deputat murojaatda ko‘tarilgan masalalarni joyiga chiqib o‘rgandi, fuqarolar bilan muloqot o‘tkazib, mavjud holatni batafsil ko‘zdan kechirdi.

O‘rganish yakunlari bo‘yicha aniqlangan muammolarni bartaraf etish yuzasidan tegishli mutasaddi tashkilotlarga deputatlik so‘rovlari yuborish hamda masalani ijrosi ustidan nazorat o‘rnatish belgilandi.

️ Xalq deputatlari Samarqand shahar Kengashi