"Dolzarb 40 kunlik" oyligi doirasidagi o‘rganishlar davom etmoqda
Qiziltepa tumani Oboddiyor mahallasida "Dolzarb 40 kunlik" oyligi doirasida biriktirilgan Xalq deputatlari tuman Kengashi raisi U. Bobojonov, Mahallalar uyushmasi tuman bo‘limi boshlig‘i, Inson ijtimoiy xizmatlar markazi rahbari R. Ortiqov hamda Yoshlar ishlari bo‘limi boshlig‘i F. Muhammadov ishtirokida mahallaning ijtimoiy-iqtisodiy holati o‘rganildi.

📌 O‘rganishlar davomida:
🔹 aholi murojaatlari, muammo va takliflari tizimli tahlil qilindi;
🔹 ishsiz fuqarolarni bandlikka jalb etish, kasb-hunarga yo‘naltirish hamda tadbirkorlikni qo‘llab-quvvatlash masalalari yuzasidan tegishli tashkilotlar bilan hamkorlik olib borildi;
🔹 kam ta’minlangan va ijtimoiy himoyaga muhtoj oilalar holati o‘rganilib, ularga manzilli ijtimoiy yordam ko‘rsatish choralari belgilandi;
🔹 obodonlashtirish, ko‘kalamzorlashtirish hamda hududning sanitariya holatini yaxshilash ishlarida aholi faolligini oshirish bo‘yicha amaliy tadbirlar amalga oshirildi.

Mahallalarda olib borilayotgan bunday tizimli ishlar aholining turmush farovonligini oshirish, mavjud muammolarni o‘z vaqtida bartaraf etish hamda hududlarni yanada obod va fayzli maskanga aylantirishga xizmat qilmoqda.