Xalq deputatlari Bag‘dod tumani Kengashining “23-Qorako‘l” saylov okrugi deputati Sh.Xoldarov, tuman Kengashi kotibiyati mudiri G‘.Abdullayev hamda O‘zLiDeP Bag‘dod tuman Kengashi apparat rahbari R.Yegitaliyevlar tomonidan “Qorako‘l” mahalla fuqarolar yig‘ini hududida navbatdagi o‘rganishlar olib borildi.

O‘rganishlar davomida "Adiblar" ko‘chasida istiqomat qiluvchi fuqarolar bilan muloqot o‘tkazildi. Suhbat jarayonida mazkur ko‘chada yashovchi fuqaro J.Xusanov tomonidan ko‘chadagi 5 ta yog‘och elektr tayanchini yangi temir-beton tayanchlarga almashtirish, shuningdek, 42-son umumiy o‘rta ta’lim maktabi hududi yaqinida joylashgan elektr tayanchlarini xavfsizlik talablaridan kelib chiqib boshqa, xavfsiz hududga ko‘chirish bo‘yicha murojaat bildirildi.

Mazkur murojaat deputatning “Ko‘chama-ko‘cha aylanish daftari”ga qayd etilib, ijrosini ta’minlash maqsadida deputat nazoratiga olindi.