Xalq deputatlari Qo‘qon shahar Kengashi deputati X.Abdullayev tomonidan o‘zi saylangan saylov okrugi hududiga qarashli “Mingtut” mahalla fuqarolar yig‘inida navbatdagi saylovchilar bilan uchrashuv hamda o‘rganish ishlari olib borildi.

Mazkur uchrashuv va o‘rganish jarayonida Xalq deputatlari Qo‘qon shahar Kengashi kotibiyati mutaxassisi A.Adxamov hamda O‘zbekiston Ekologik partiyasi Qo‘qon shahar Kengashi raisi A.Akbarov ishtirok etib, deputatlik faoliyatini tashkil etishda amaliy ko‘mak ko‘rsatdilar.

O‘rganish davomida mahalla fuqarolar yig‘ini raisining faoliyati, fuqarolar murojaatlari bilan ishlash tizimi, hududdagi ijtimoiy muammolarni bartaraf etish, obodonlashtirish ishlari, ekologik holat hamda mahallaning ijtimoiy-iqtisodiy rivojlanishi yo‘nalishida amalga oshirilayotgan ishlar atroflicha tahlil qilindi.

Shuningdek, “mahalla yettiligi” hamkorligida amalga oshirilayotgan ishlar, ehtiyojmand oilalarni ijtimoiy qo‘llab-quvvatlash, aholi bandligini ta’minlash, tadbirkorlikni rivojlantirish, hudud infratuzilmasini yaxshilash va ekologik muammolarni bartaraf etish borasida mas’ullar bilan fikr almashildi. Saylovchilar tomonidan bildirilgan taklif va murojaatlar tinglanib, ularni bosqichma-bosqich hal etish yuzasidan tegishli mas’ullarga tavsiyalar berildi.

Xalq deputatlari Qo‘qon shahar Kengashi