Xalq deputatlari Pastdarg‘om tumani Kengashining Mahalliy budjet, tadbirkorlikni rivojlantirish va iqtisodiy islohotlar masalalari bo‘yicha doimiy komissiyasi tomonidan Kengash tavsiyasiga muvofiq budjet mablag‘larining maqsadli sarflanishi yuzasidan navbatdagi deputatlik nazorati tadbiri o‘tkazildi.

O‘rganish davomida Pastdarg‘om tumanida 2026-yilning ikkinchi hisobot choragi yakunlari bo‘yicha mahalliy budjet daromadlari prognozining oshirib bajarilishi hisobidan ajratilishi rejalashtirilgan mablag‘larning qonunchilik talablariga muvofiqligi, ularning yo‘naltirilish asoslari hamda maqsadli sarflanishi atroflicha tahlil qilindi.

Doimiy komissiya a’zolari tomonidan mablag‘larni taqsimlashda ustuvor yo‘nalishlar, ijtimoiy soha va infratuzilma obyektlarini moliyalashtirish, shuningdek ajratilgan mablag‘larning samaradorligini ta’minlash masalalariga alohida e’tibor qaratildi.