Mahalliy budjet daromadlarining orttirib bajarilgan qismi hisobidan mablag‘lar ajratish to‘g‘risidagi qaror qabul qilindi

2026-yil 24-iyuldagi Termiz tumani mahalliy budjetining 2026-yil II chorak daromadlar rejasini orttirib bajarilgan qismi hisobidan mablagʻlar ajratish toʻgʻrisidagi VII-21-98-8-117-K/26-sonli qarori qabul qilindi.

Mazkur qaror bilan Termiz tumani mahalliy budjetining 2026-yil II chorak yakunlari bo‘yicha daromadlar rejasining orttirib bajarilgan qismi hisobidan hududni ijtimoiy-iqtisodiy rivojlantirish, aholi uchun muhim bo‘lgan loyihalarni moliyalashtirish hamda dolzarb masalalarni hal etishga yo‘naltiriladigan mablag‘lar ajratilishi belgilandi.

Ajratilgan mablag‘lardan maqsadli va samarali foydalanish, ularni ustuvor yo‘nalishlarga yo‘naltirish hamda belgilangan tadbirlarning o‘z vaqtida va sifatli amalga oshirilishini ta’minlash yuzasidan mas’ul tashkilotlarga tegishli vazifalar yuklatildi.

Mazkur qarorning ijrosi Xalq deputatlari Termiz tuman Kengashi deputatlarining doimiy nazoratida bo‘lib, ajratilgan mablag‘larning maqsadli sarflanishi, shaffofligi va samaradorligi yuzasidan deputatlik nazorati muntazam amalga oshiriladi.