Deputat xotin-qizlar bilan ochiq muloqot o‘tkazdi.

Xalq deputatlari Qiziltepa tuman Kengashi deputati o‘z saylov okrugidagi mahallada istiqomat qiluvchi xotin-qizlar bilan ochiq muloqot o‘tkazdi.

Uchrashuv davomida xotin-qizlar bandligini ta'minlash, oilaviy tadbirkorlikni rivojlantirish, ta'lim, sog‘liqni saqlash, ijtimoiy himoya hamda yoshlar tarbiyasiga oid dolzarb masalalar muhokama qilindi.

Muloqot chog‘ida ishtirokchilar o‘zlarini qiziqtirgan savollar, taklif va murojaatlarini bildirdilar. Deputat har bir murojaatni diqqat bilan tinglab, ularni hal etish yuzasidan tegishli tashkilotlar bilan hamkorlikda amaliy choralar ko‘rilishini ta'kidladi.

Uchrashuv samimiy va konstruktiv ruhda o‘tdi. Bunday ochiq muloqotlar aholining muammo va ehtiyojlarini o‘rganish, ularning taklif hamda tashabbuslarini qo‘llab-quvvatlash, shuningdek, xalq bilan ochiq muloqotni yanada mustahkamlashga xizmat qilmoqda.