13-Umid saylov okrugida fuqarolar bilan ochiq muloqot o‘tkazildi

Xalq deputatlari Navoiy shahar Kengashi deputati G. Hasanova hamda Xalq deputatlari Navoiy shahar Kengashi kotibiyati bosh mutaxassisi M. Astanova 13-Umid saylov okrugi hududidagi "Ma'rifat" mahallasida fuqarolar bilan navbatdagi uchrashuvni o‘tkazdi.

Uchrashuv davomida aholini qiynayotgan dolzarb masalalar, jumladan, mahalla infratuzilmasini rivojlantirish, obodonlashtirish, kommunal xizmatlar sifati, bandlik va ijtimoiy himoya masalalari yuzasidan fikr almashildi.

Fuqarolar tomonidan bildirilgan murojaat va takliflar atroflicha o‘rganilib, ularni hal etish yuzasidan tegishli tavsiyalar berildi hamda mas'ul tashkilotlar bilan hamkorlikda amaliy choralar ko‘rish belgilab olindi.

Uchrashuv yakunida fuqarolar bilan ochiq muloqot olib borish, ularning muammo va takliflarini o‘z vaqtida o‘rganish hamda ijobiy yechim topish deputatlik faoliyatining ustuvor yo‘nalishlaridan biri ekani ta'kidlandi.