Xalq deputatlari Jondor tumani Kengashiga 4-Dalmun saylov okrugidan saylangan deputat O. Sherov tomonidan “Dalmunobod” mahallasi saylovchilarining murojaati asosida yo‘l harakati xavfsizligini ta’minlash yuzasidan deputat so‘rovi yuborildi.
✔️Murojaatda Jondor tumani 3-son texnikumi hududida maktab o‘quvchilari hamda talabalar qatnovi keskin ko‘paygani, bu esa mazkur yo‘lda harakat xavfsizligini kuchaytirishni talab etayotgani qayd etildi. Shu munosabat bilan texnikum yaqinidagi yo‘l qismiga ko‘chma svetafor hamda piyodalar o‘tish joyi yo‘l belgilari o‘rnatish zarurligi bildirildi.
✔️Mazkur masalani ijobiy hal etish va fuqarolar, ayniqsa, o‘quvchi-yoshlarning xavfsizligini ta’minlash maqsadida deputat O. Sherov tomonidan Jondor tumani IIB boshlig‘i A. Nosirov nomiga deputat so‘rovi yuborilib, amaliy yordam ko‘rsatish so‘raldi.
✔️Deputat so‘rovi ijrosi yuzasidan tegishli choralar ko‘rilishi hamda yo‘l harakati xavfsizligini yanada mustahkamlash kutilmoqda.