Xalq deputatlari Pastdarg‘om tumani Kengashi deputati N.Dusmurodov tomonidan fuqarolardan kelib tushgan murojaat asosida Parchaqara mahalla fuqarolar yig‘ini O‘quylar ko‘chasidagi mavjud holat o‘rganildi.

O‘rganish jarayonida mazkur ko‘cha yo‘l qoplamasi ta’mirga muhtoj ekani, bu esa aholi harakatlanishiga noqulaylik tug‘dirayotgani aniqlandi.

Aniqlangan muammo yuzasidan mas’ul tashkilotlarga deputat so‘rovi yuborilib, ko‘chani ta’mirlash va mavjud kamchiliklarni bartaraf etish bo‘yicha amaliy choralar ko‘rish so‘raldi.

Deputatlar tomonidan aholi murojaatlarini o‘rganish, muammolarni joyida aniqlash hamda ularning yechimiga erishish borasidagi ishlar izchil davom ettirilmoqda.

Muammo – yechim – natija tamoyili asosida deputatlik nazorati davom etmoqda.