Joriy yilning 26 iyun kuni 17-Xo‘jaqo‘rg‘on saylov okrugidan XDPdan saylangan deputat T. Mirzayeva hududda "Mahallada obodlik va mehr-sahovat oyligi" yuzasidan olib borilayotgan ishlarni o‘rgandi. 

     Jumladan, aholi va tashkilotlarning o‘z hududlarida olib borilayotgan tozalik, obodonlashtirish ishlari bilan yaqindan tanishdi. 

Mazkur tadbir aholi, mahalla faollari va jamoatchilikning hamkorlikdagi sa’y-harakatlari natijasida amalga oshirilib, hudud obodligini ta’minlash, hamda fuqarolar o‘rtasida hamjihatlik va birdamlik muhitini yanada mustahkamlashga xizmat qildi. 

Deputat tomonidan hudud infratuzilmasini yaxshilash, ko‘chalarni yoritish tizimini takomillashtirish va obodonlashtirish ishlarini izchil davom ettirish yuzasidan mas’ul tashkilotlarga tegishli tavsiyalar berildi hamda mazkur masalalar deputatlik nazoratiga olindi.