Xalq deputatlari Mirzo Ulug‘bek tumani Kengashi deputati, O‘zbekiston “XDP” a’zosi Kim Vitaliy Gennadevich navbatdagi sessiyaga kiritilgan masala yuzasidan tegishli ma’lumotlarni olish hamda amalga oshirlayotgan qurilish, rekonstruksiya va ta’mirlash ishlarini o‘rganish maqsadida xalq ta’limi bo‘limiga tashrif buyurdi.

Tashrifda xalq ta’limi bo‘limi rahbari deputatni binoni ta’mirlash yuzasidan amalga oshirilgan ishlar, xodimlar uchun yaratilgan sharoitlar va moddiy-texnik bazasining  holati bilan yaqindan tanishtirdi.

O‘rganishlar davomida qurilish sifati, ajratilgan mablag‘larning maqsadli ishlatilishi va ishlarning belgilangan muddatlarda bajarilishi bo‘yicha suhbatlar o‘tkazildi.