#162_ta_eng_muhim_qonun
#Qonun_ijrosi
#Deputatlik_nazorati

⚖️ FUQAROLIK QONUNCHILIGIDA MULK VA MEROS HUQUQLARI
O‘zbekiston Respublikasi Fuqarolik kodeksi (29.08.1996-y., 256-I-son) targ‘ibot varaqasi
🏛 1. MUNITSIPAL MULK (215-modda)
Nima hisoblanadi? Shahar, tuman hokimliklari hamda mahalliy davlat hokimiyati organlariga biriktirilgan mol-mulklar, mahalliy byudjet mablag‘lari munitsipal mulkdir.
Maqsadi: Tuman va mahalla hududini rivojlantirish, aholiga ijtimoiy-iqtisodiy xizmatlar ko‘rsatish ile fuqarolar manfaatlariga xizmat qilish uchun foydalaniladi.
📦 2. EGASIZ QOLGAN MOL-MULK (1157-modda)
Tartibi: Agar merosxo‘rlar bo‘lmasa, hech kim merosni qabul qilmasa yoki merosxo‘rlar merosdan voz kechgan bo‘lsa, mol-mulk egasiz deb topiladi.
Kimga o‘tadi? Egasiz qolgan mol-mulk u joylashgan fuqarolarning o‘zini o‘zi boshqarish organi (mahalla) mulkiga, mahalla voz kechsa — davlat mulkiga o‘tadi.
🛡 3. MEROSNI MUHOFAZA QILISH VA BOSHQARISH (1144-modda)
Vasiyatnoma bo‘lganda: Vasiyatnoma ijrochisi nafaqat vasiyat qilingan mulkni, balki qonun bo‘yicha o‘tadigan meros qismini ham muhofaza qiladi va boshqaradi.
Merosxo‘rlar huquqi: Meros daxlsizligini ta’minlash hamda uni saqlab qolish uchun zarur hollarda merosni boshqaruvchi tayinlanishi mumkin.
💡 YODDA TUTING!
📌 Mahallalarda obodonchilik, egasiz qolgan uylarni xatlovdan o‘tkazish va meros nizolarini huquqiy tartibda hal etish fuqarolarning va mahalla yettiligining huquqiy savodxonligiga bog‘liq.