Bandixonda yana bir yangilik: 13 km yo’lga asfalt yotqizish ishlari boshlandi

Bandixon tumanida mahalliy ahamiyatdagi 75V089-sonli “Oybek q. – Bandixon Shreder ilmiy-tadqiqot xo‘jaligi” avtomobil yo‘lining Bandixon, Bahoriston, Gulbog‘ va Qaldirg‘och mahallalari hududidan o‘tuvchi 13 kilometr yo’lning boshlanish qismida asfaltlash ishlariga start berildi.

Mazkur yo‘lning yangilanishi minglab yurtdoshlarimizning kundalik qatnovini yengillashtirib, mahallalar o‘rtasidagi transport aloqalarini yanada qulay va xavfsiz qiladi.

Xalq deputatlari Bandixon tumani Kengashi deputati ,tuman hokimi Abdumalik Allamuradov asfaltlash ishlari jarayonini joyiga chiqib o‘rgandi. Mas’ullarga yo‘l qurilishida sifat talablariga qat’iy rioya qilish, ishlarni belgilangan muddatlarda va puxta amalga oshirish bo‘yicha aniq topshiriqlar berildi.

📍Bugun asfalt yotqizilayotgan yo‘l — ertaga minglab insonlar uchun qulaylik, xavfsizlik va farovonlik yo‘liga aylanadi!