👥 Xalq deputatlari Bag‘dod tumani Kengashining 16-Qo‘shchinor saylov okrugi deputati F.Sarimsaqov hududiga qarashli Qashqarmakey mahalla fuqarolar yig‘inida Kengash kotibiyati bosh mutaxassisi A.Ismoilov, Xalq demokratik partiyasi tuman Kengashi raisi D.Xamraqulovlar tomonidan profilaktika inspektori tomonidan jinoyatchilik va huquqbuzarlikni oldini olish bo‘yicha amalga oshirilayotgan ishlari o‘rganildi.

📊 O‘rganish davomida jamoat tartibini saqlash, huquqbuzarliklarning barvaqt oldini olish, fuqarolar murojaatlari bilan ishlash hamda profilaktik tadbirlarning samaradorligi tahlil qilindi.

✅ Ta’kidlanganidek, joriy yilning o‘tgan 6 oyi davomida mahalla hududida birorta ham jinoyat va huquqbuzarlik holati qayd etilmagani alohida ijobiy ko‘rsatkich sifatida e’tirof etildi. Bu natija mahalla faollari, profilaktika inspektori hamda “mahalla yettiligi”ning o‘zaro hamkorlikdagi tizimli faoliyati samarasi ekani qayd etildi.

🎥 Shuningdek, hududda jamoat xavfsizligini ta’minlash maqsadida 5 ta kuzatuv kamerasi o‘rnatilgani va ular orqali vaziyatning doimiy monitoringi yo‘lga qo‘yilgani o‘rganildi.