Yoshlar bilan kasb tanlash va oliy ta’lim masalalari yuzasidan uchrashuv o‘tkazildi.

🗓 Xalq deputatlari Kattaqo‘rg‘on shahar Kengashi 7-Siplon saylov okrugi deputati Kuldashev Javlonbek tomonidan yoshlarning kasb tanlovi hamda oliy ta’lim muassasalariga kirish masalalariga bag‘ishlangan ochiq muloqot tashkil etildi.

Uchrashuv davomida bugungi mehnat bozorida talab yuqori bo‘lgan kasb va mutaxassisliklar, oliy ta’lim muassasalariga qabul jarayonlari, ta’lim olish uchun yaratilayotgan imkoniyatlar hamda yoshlarning qiziqishi, iqtidori va salohiyatidan kelib chiqib to‘g‘ri kasb tanlashning ahamiyati haqida batafsil tushuntirishlar berildi.

Shuningdek, yoshlarga davlat tomonidan taqdim etilayotgan ta’lim imkoniyatlari, grant va kontrakt asosida o‘qish tartiblari, kasbiy rivojlanish yo‘nalishlari hamda zamonaviy kasblarni egallashning afzalliklari yuzasidan tavsiyalar berildi.

Muloqot ochiq va samimiy ruhda o‘tib, ishtirokchilarni qiziqtirgan savollarga atroflicha javob qaytarildi. Yoshlarning kelajakdagi maqsadlarini aniq belgilashi, bilim va ko‘nikmalarini muntazam rivojlantirib borishi hamda o‘z ustida ishlashi zarurligi alohida ta’kidlandi.

Mazkur uchrashuv yoshlarning kasbiy yo‘nalishini ongli ravishda tanlash, oliy ta’limga bo‘lgan qiziqishini yanada oshirish hamda kelajakda raqobatbardosh mutaxassis bo‘lib yetishishlariga xizmat qiladigan muhim muloqot maydoniga aylandi.