✅ Xalq deputatlari Uchko‘prik tumani Kengashi raisi Sattarxo‘ja Akbarov “Farovon” mahalla fuqarolar yig‘inida bo‘lib, mahalladagi ijtimoiy-iqtisodiy muammolarni hal etish masalalarida mahalla faollari va ehtiyojmand oilalar vakillari bilan uchrashdi. 

✅ Deputat tomonidan keng ko‘lamli islohotlar, prezidentimiz farmon va qarorlarining mazmuni hamda ularning mahalla aholisi hayotidagi muhim ahamiyati haqida batafsil tushuntirildi. 

✅ Mahallada ijtimoiy-iqtisodiy barqarorlikka erishish, aholi turmush darajasini yanada yaxshilashga borasida fikr almashildi. 

🔹 Mahallada ehtiyojmandlar ro‘yxatida turgan oilalarga g‘alladan bo‘shagan maydondan to‘rt gektar ajratildi. Takroriy ekin ekib, xalqimiz dasturxoni to‘kinligini ta’minlashga alohida e’tibor qaratilayapti. Bu, o‘z navbatida, ehtiyojmand fuqarolarga qo‘shimcha daromad olish uchun yaxshi imkoniyatdir. Ayni vaqtda ajratilgan yerda qishloq xo‘jaligi mahsulotlaridan mosh yetishtirilib, daromad olish maqsad qilinmoqda. 

✅ Deputat “Farovon” mahalla fuqarolar yig‘inida 20 ta ehtiyojmand oilaga takroriy ekin - mosh yetishtirish uchun 4 gektar yer maydoni ajratilishida ishtirok etish bilan birga ijtimoiy-iqtisodiy ko‘makka muhtoj oilalar a’zolari bilan ochiq muloqotda bo‘ldi. 

🔹 Takroriy ekin yetishtirish ham mashaqqatlardan holi emas. Eng muhimi, qishloq xo‘jaligidagi bu kabi amaliy ishlar aholining ishsiz qatlami bandligini ta’minlash,
farovonligini oshirishga xizmat qiladi. 

  Xalq deputatlari Uchko‘prik tumani Kengashi