Xalq deputatlari Bekobod tumani Kengashiga O‘zbekiston Liberal-demokratik partiyasidan saylangan deputat A.Djabborov hamda kotibiyat bosh mutaxassisi N.Azimova Qushchi mahallasida aholini qiynayotgan yo‘l harakati xavfsizligi masalalarini tuman YXHB xodimlari bilan birgalikda o‘rganib chiqdi.

Mazkur hududda joylashgan 26-maktab o‘quvchilarining maktabga qatnashi markaziy ko‘chada avtomobillar serqatnovligi sababli xavf ostida qolmoqda.

O‘rganish natijalariga ko‘ra, maktab ro‘parasiga “qavariq qoplama”, “piyodalar o‘tish joyi” hamda tezlikni cheklash yo‘l belgilarini o‘rnatishga kelishib olindi.